Pualavallaarneq Nunatsiavummi ajornartorsiutaavoq
- Iipilisut isikkoqarnerput illaruaatigisarparput, kisianni kisitsisit saqqummiunneqartut ernumaammernarput, oqimaappallaarneq nappaatinut assigiinngitsunut attuumassuteqartarmat, Gail Turner Nunatsiavummi napparsimaveqarfimmi aqutsisoq CBC-mut oqarpoq.
Nunavimmi innuttaasut Canadami innuttaasut sinnerinut sanilliullugit sukkornermik nappaateqalersarnerat marloriaammik annertuneruvoq, taamatuttaaq aavisa naqitsinerat qaffasippallaarnerusarluni. Tamannalu toqujaarnermik, kinguneqarsinnaasarpoq.
Nunavimmiut nerisassanik peqqinnartunik nerinissaat ajornakkusoornerusoq Gail Turnerip oqaatigaa. Taamaattumik nerisassat peqqinnartut akisunerat inuillu piitsuullutik inuunerat oqimaappallaarnerannut peqqutaaqataalluni.
Kalaaliminertornerup peqqinnassusaa Nunatsiavummi peqqinnissaqarfimmit innuttaasunut paasissutissiissutigineqartartoq Gail Turnerip oqaatigaa.
Misissuinerittaaq aamma takutippaat Nunavimmi innuttaasut affaat pujortartartuusut.
Misissuineq nakorsanit McGill universitiitimit Nunatsiavummilu napparsimaveqarfimmit ingerlanneqarpoq.
