Puaalluut nappaat nutaaq apuutilerneraraat
Puallunnermik nappaat nutaaq issittumut apuukkiartulersoq, CBC allaaserinnippoq.
Nappaatinut akiuiniarnermi nakorsaatit ukiut tallimat matuma siorna atorsinnaasimasut, ullumikkut pualluummut tassunga atorsinnaanngitsut, Issittumi peqqissutsimik ataatsimiisitaliaq, The International Congress on Circumpolar Health-ip nalunaarusiaani kingullermi Ruslandimi ingerlanneqartumi saqqummersinneqartut takutippaat.
Bakteriat akiorniarlugit iisartakkat atorneqartartut, bakterianit akiorneqarsinnaaneruleriartorput, bakteeriallu nutaat aamma takkussuullutik. Tamanna ernumanartortaqartoq, peqqissuseq pillugu ataatsimeersuariarnermi peqataasut arlallit oqarput.
Napparsimasarnernut taamaattunut assingusumik Yukonimi Canadamiittumi pisoqalernera aamma maluginiarneqarsimavoq.
