Taamalu anguniagaqarneq Afghanistanimi isumaqatigiinngissutaavoq.
- Isumaqataasut isumaqarput eqqisseqatigiinnissaq anguniarlugu siunnersuisoqatigiit Talibanilu isumaqatigiippata aatsaat eqqissisoqarsinaasoq, sakkutuut kisimik eqqissineq angusinnaanngikkaat. Talibanillu utoqqartai sorsuttartullu siuttui siunnersoqatigiinnut ilaasortaasut nassuerutigalugit. Akerliusulli Talibanimik saammaasseqatigiinnissamut akerliupput isumaqarlutillu isumaqatigiinniartussat suli imminnut sorsuuppata, eqqisseqatigiinnissamut isumaqatigiinniartoqarsinnaanngitsoq.
Isumaqatiigiissuteqartoqarsinnaaneq suli nalorninartunik ulikkaarpoq, neriunartoqarporli:
- Maannakkumut Talibanip siuttua oqartarpoq sakkutuut nunanit allaneersut Afghanistanimit anisinnagit isumaqatigiinniarniaratik. Kingullertigulli allatut tusagaqartoqartalersimavoq, Talibanip utoqqartaannik attaveqarlutik taakkulu eqqisseqatigiinnissaq anguniarlugu isumaqatigiinniarnissamik ingerlatserusuttut Karzaip inuttaasa ilaat oqarput.