Præsidenti tigusarineqaqquaat
Matumani ilaatigut kissaatigineqarluni Sudanimi nunap immikkoortuani Darfurimi sorsunnermut atatillugu inuiannik toqoraanermut atatillugu eqqartuunneqassasoq.
- Eqqartuussiviup unnerluussisuunera, Luis Moreno Ocampo uppernarsaatinik ullumi saqqummiussivoq, taakkunani ersersinneqarluni, Sudanip præsidentia Darfurimi inuiannik toqoraasitsisimasoq, inunnut nunarsuarmiunut tamanut sorsunnermilu peqquserluuteqarsimasoq, unnerluussisup allaffianit taama nalunaaruteqartoqarpoq.
Darfurimi sorsunneq nunarsuatsinni aattaqarnerpaamik sorsunneruvoq, ukiullu tallimat sinnerlugit sivisussuseqarluni. Piffissami tamatumani inuit 200.000-init amerlanerusut toqutaapput inuillu 2,5 miliuunit qimaatinneqarlutik. Sorsunnermi aaqqiagiinngissutigineqarput nerisassat, nunap immikkoortui aamma upperisaq pillugit kiisalu Sudanimiut araberit araberiunngitsullu akornanni isumaqatigiinngissuteqarnerit.
