Indiami siullerpaamik arnamik præsidenteqalissapput. Taama ritzau allappoq.
Indiami parlamentimi ilaasortat nunallu immikkoortuini assigiinngitsuni ilaasortat qinersineranni, 72-inik ukiullik Pratibha Patil taagorneqarnerpaasimavoq, taamaasillunilu præsidentissatut toqqarneqarluni.
Patilimut illuatungiliuttut isumaqartuarsimapput, Pratibha Patil arnaasoq ileqqorissaarpallaanngitsoq. Ilaquttami ilaata toqutsisimasutut pasineqarlui eqqartuunneqarnerani akuliussimavoq, taamaasillunilu ilaqutaa pasineqartoq pinngitsuutinneqarluni. Aamma Pratibha Patil-ip uia kanngunartuliornernut assigiinngitsunut ilaasarsimasoq, illuatungiliuttut oqartarsimapput.
Pasilliutit tamarmik Patilip eqqunngitsuunerarpai, maannalu Indiami præsidenti arnaq atuuttussanngulerpoq.