Præsidenteqatertik tunuaqqoqqinniarpaat
Afrikap kippasissortaani præsidentit pingasut sapaatit-akunneri marluk ingerlaneranni aappassaa Elfenbenskysteniliarput, præsidentitut imminut suaarutigisimasup Laurent Gbagbop tunuarniuteqarnissaa piumasaqaatiginiarlugu.
Allattoq Mads Fisker
januaarip 03-at 2011 12:41
Præsidentimut siorna novembarip 28-anni qinersisoqarmat Gbagbop unammillertaa Alassane Ouattara ajugaasutut suaarutigineqarpoq, Gbagboli tunuarumanani.
Præsidentit pingasut Elfenbenskysteniliartut Gbagbomik isumaqatigiinniarumanngillat, tusarfiilli naapertorlugit præsidentit taakku Gbagbo neqeroorfiginiarpaat tunuarniuteqarniarpat inatsisitigut malersorneqarsinnaassanngitsoq.
Ukiortaamili oqalugiarnermini Laurent Gbagbop tunuarniuteqarumannginnini naqissuserpaa.
Elfenbenskystenimi innuttaasut qinersinerup kingorna eqqissiviilliortitsipput, naalagaaffiup inuisa imminnut sorsuutilernissaat ilaatigut aarleqqutigineqarluni.
Inuit 20-nit amerlanerusut toqutaasimanngikkunik periarfeerunneqarsimapput, inuillu tuusintilikkaat qimaasimallutik.
