Professorit marluk Talibanimit tigummineqarsimasut iperagaasut
Professorit marluk taakku iperagaanerat, tusarfiit ilaata Afghanistanimi naalakkersuisuneersup uppernarsarpaa. Nutaarsiassaqartitsivik Reuters taama allaaserisaqarpoq.
Talibanineersut pingasut, parnaarussanik paarlaasseqatigiinnikkut marlunngornermi aamma iperagaapput.
Parnaarussanik paarlaasseqatigiinnikkut iperagaasoqarnissaa, Afghanistanip præsidentiata Ashraf Ghanip sapaatip-akunnerata ataatsip matuma siornatigut nalunaarutigaa.
Professorit marluk Talibaninit tigummineqarsimasut tassaapput Kevin King, USA-meersoq, Timothy Weeksilu Australiameersoq. Taakku talibaninit Afghanistanip illoqarfiisa pingaarnersaanni Kabulimi 2016-imi aallarunneqarput.
Taakku 2016-imi aallarunneqarnermi kingorna talibanit videoliaanni saqqummerput, atugarliortinneqartullu ilaatigut takuneqarsinnaalluni.
Talibanit iperagaasut ilaat, Afghanistanimi talibanit siuttuisa ilaata Sirajuddin Haqqanip qatanngutigaa. Sirajuddin Haqqani, talibanit qaffasinnerit ilaattut peqqarniitsutullu ilisimaneqarpoq.