Professori: Suliniutinik angisuunik sukkanerpaamik aallarnisaasoqartariaqarpoq

London Miningip piiaasinnaalernissamut qinnuteqaataa, Aatsitassanut Pisortaqarfiup ukioq ataaseq maanna suliarereerpaa, suliniutilli angisuut marluk arlaat ataaseq maannangaaq piviusunngortinneqartariaqartoq, Aningaasaqarneq pillugu Siunnersuisoqatigiinni siulittaasup, professorip Torben M. Andersenip oqaatigaa.

Nunattami aningaasarsiornikkut inissisimanera pitsaanerpaajunngimmat:

- Ima oqaatigineqarsinnaavoq, sivisuutut, kisianni aamma eqqarsaatigisariaqarpoq Aatsitassanut Pisortaqarfiup inuttai aamma amerlasoorsuunngitsut, London Miningimi paasissutissiinermut pisortaq Kaj Kleist oqarpoq.

Isukasianili suliassap maannangaaq aallartittaqarnissaa pingaaruteqarpoq:

- Pilersaarusiap minnerpaamik ataatsip siunissaq qaninnerusoq eqqarsaatigalugu aallartisarneqareersimanissaa pingaaruteqarpoq, Aningaasaqarneq pillugu Siunnersuisoqatigiinni siulittaasoq, professori Torben M. Andersen oqarpoq.

Ukiut marluk qaangiutsinnagit aallartereersimanissaa pingaaruteqartoq, taassuma oqaatigaa. Tassami suliniutit angisuut arlaannik ukiut tallimat qaangiutsinnagit aallarnisaasoqarsimanngippat, kingusinaartoqarsinnaasoraa:

- Ukiualuit qaangiuppata aatsaat aallarnisaasoqassaguni ajornartorsiutaassaaq. Maannakkummi aningaasarsiorneq pitsaavallaanngilaq, suliffissanillu annerusumik pilersitsiortortoqarani. Taamaaginnassappallu ajornartorsiutaassaaq, professori Torben M. Andersen oqarpoq.

Ataatsimoortumik tapiissutit nalingisa allanngoriartorneri Danmarkimi akit qaffakkiartornerinut aalajangerneqarnikuupput. Danmarkimi akit Nunatsinni akinut naleqqiullugu kigaannerusumik qaffakkiartoramik.

- Taava ajornartorsiutaangaatsiassaaq, tassami taama sivisutigisumik utaqqisoqassappat ajornartorsiutinngussagami, Torben M. Andersen oqarpoq.

Suliniutit angisuut pilersaarutitut aallartisarneqanngippata, Nunatta akiligaanik tamanut peqqinnissaqarfeqarneq ilinniartitaanerlu atuukkunnaarsinneqaratarsinnaassasut, aningaasarsiornermut ilisimatooq aarlerisaarivoq.

Naak Siumut siuttoralugu Naalakkersuisut oqarnerattuut kigaatsumik tuaviortoqarniartoq, Isukasiani pilersaarutit kinguaattoorpallaarnissaat, London Miningip aarleqqutiginngilaa.

Kingusinnerpaamillu 2015-imi marsip qaammataani aallartissinnaanissartik taakku naatsorsuutigaat. Paasissutissiisartuat Kaj Kleist taama oqarpoq:

- Aallartinnitsinninngaanit kiup affaa siulleq naatsorsuutigaarput inuit 500-t missaat Nuumminngaanniit nunanit allanginngaanneersunik sulisussat aallartissinnaasut. Tassanilu akileraarutitigut akilersuutaat tikinniariarlutillu aallartissinnaassapput, London Miningip paasissutissinermut pisortaa Kaj Kleist oqarpoq.