Professori: Nutaarsiassatsialaallunilu aarlerinartortaqarpoq

Nunamik qeriuaannartumik Københavnip Universitetiani ilisimatusarfimmi pisortaq, professori Bo Elberling taama oqarpoq:

Nunamik qeriuaannartumik uuttortaanerit maannamut ingerlanneqartut qaammatini pingasuni-sisamani misileraanernik toqqammaveqartarsimariarlutik, misissuinerit nutaat ukiut aqqaneq-marlunni uuttortaasimanernik toqqammaveqartut, Nunamik qeriuaannartumik ilisimatusarfiup pisortaa Bo Elberling oqarpoq:

- Tamanna nutaarsiassatsialattut isigineqarsinnaavoq, akerlianillumi aamma, Bo Elberling oqarpoq.

Nuna qeriuaannartoq isigutannerugaangat ilti nunarsuup silaannartaanut anianerusartoq, taassuma oqaatigaa, nunap qeriuaannartup aakkiartortilluni nunarsuup silaannartaanut kuldioxidimik, tassa CO2-mik, aniatitsinera sukkanerusalersarluni.

CO2-lli nunamit qeriuaannartumit aniasup sukkassusia siornatigut iluamik uppernarsarneqarsimanngilaq, maannali tassa uppernarsineqarsimalluni, CO2-lli ilaata nunarsuup silaannartaanut akuliuttarnera ilaatigut kigaannerulersartoq, misissuinerup aamma takutippaa:

- Nuna qeriuaannartoq isugutannerugaangat CO2-p nunarsuup silaannartaanut aniasarnera kigaannerulertarpoq, tamannalu nutaarsiassatsialattut isigineqarsinnaavoq, Bo Elberling oqarpoq.

Uuttortaanerit maannamut ingerlanneqartut qaammatini pingasuni-sisamani misileraanernik toqqammaveqartarsimapput, misissuinerilli nutaat ukiut aqqaneq-marlunni uuttortaasarsimanernik toqqammaveqarput, nunallu qeriuaannartup siunissami qanoq ikkumaarsinnaanissaa eqqoriaruminarnerussasoq, professori Bo Elberling oqarpoq, tassa nuna qeriuaannartoq ukiut tallimat, qulit, 50'it 100-lluunniit qaangiuppata qanoq ikkumaarsinnaassanersoq eqqoriaruminarnerussangatinneqarluni.

Bo Elberling maanna Qeqertarsuarmiippoq, Københavnillu Universitetiani qullersat maanna aamma tikeraarlutik.

Nunamik qeriuaannartumik ilisimatusarfiup suliai Universitetimi qullersat maanna takuniariartorpaat.