Prodi naalakkersuisussanik pilersitsisinnaanngorpoq

Prodi imaluunniit Berlusconi.

Italiami inatsisartunut qinersinerup inerneri unnuap ingerlanerani nalorninartorsiorfiupput.

Romano Prodili ajugaasutut isikkoqarpoq.

- Ukiuni tallimani tulliuttuni naalakkersuisooqatigiittussanik pilersitsisinnaanngorpunga, Prodi ungasinngitsukkut oqarpoq.

Prodi taama oqaraluartoq, paasissutissat imminnut assortuuttut nalunaaquttap akunnerini 24-ni kingullerni nalunaarutigineqartarmata, tusakkat qanoq tutsuinartiginersut nalunarallarpoq. Taasinerimmi tamarmik suli kisinneqanngillat.

Silvio Berlusconi suli qinersineq pillugu oqaaseqanngilaq, taamaattoq nuna tamakkerlugu taasinerit kiseqqissaarneqarnissaannik piumasaqarpoq. Taasisunit 40 millioniusunit millionit affaannik amerlassusillit atorsinnaanngitsut nalunaarutigineqarpoq. Qinersinermi qanorpiaq inerneqassanersoq suli nalorninartorujussuuvoq.

Romani Prodi naalakkersuisooqatigiinnik pilersitsissaguni artorsangaatsiassaqaaq.

Partiit qiterliit, pimoorussivillutillu kommunistini ilaasortat, naalakkersuisooqatigiissinniartussaassavai.