Prodi naalakkersuisunngortitseqqissinnaassagunarpoq
Italiami ministeriunertut tunuaqqammersoq Romano Prodi, nutaanik naalakkersuisunngortitsinissamut periarfissinneqalerunarpoq.
Romano Prodi-p naalakkersuisunngortitsinissaannut tapersersuiniarlutik nalunaartut tassaapput partiit qiterliuneruniat saamerliunerillu. Partiini taakkunani siuttuusut taama nalunaaruteqarsimasut,
Romano Prodi sinnerlugu oqaaseqartartoq tusagassiutinut ilisimatitsivoq.
Naalakkersuisooqatigiinnissamut tamakkiisumik aatsaat tapersersorneqassaguni, Afghanistanimilu suli sakkutuuliisoqarnissaanik piumasarisani tapersersorneqassappat, Romano Prodi naalakkersuisunngortitsiniarnissamut piareeqqalluni nalunaaruteqartoq, Tuluit TV-eeqarfissuat BBC tusarliussivoq.
Ilaatigut Italiap Afghanistanimi sakkutuuliinera pillugu pingasunngormat senatimi taasisitsinermi ajorsarnermi kingorna Romano Prodi ministeriunertut tunuaraluarpoq, naalakkersuisunngortitsinissamilli maanna periarfisseqqinneqassagunarluni.
