Prodi Italiami ministeriuninngussaaq

Illuatungiliuttuneersoq, Romano Prodi, Italiami ministeriuninngussaaq.

Romano Prodip partiia saamerliuniartuusoq Inatsisartuni amerlanerussuteqarluni fløjini marlunni ilaasortaatitaqalissasoq Italiami TV-qarfik ilisimatitsivoq.

Italiami qinersinerup kingorna inernernik kisitsinermi politikkikkut unnuaq pisoqarfioqaaq. Qinersinerup inernerisa naatsorsorneqarnerisa ingerlaneranni politikerit amerlanerit partiimiit partiimut nussorput, Maanna ministeriunerusup, Silvio Berlusconip, partiiata Inatsisartuni inissaq ataaseq pissagaa sivisuumik ilimanarsimagaluarpoq.

Tamanna politikkikkut ajornartorsiutaalissagaluarpoq, partiimi taanna, amerlanerit isumaat naapertorlugu, uummaarippallaanngilaq. Prodilli ajugaanissaa maanna tassa qulakkeerneqapajaarunarpoq.

Oqarsinnaagunanngilagulli Prodi ajugaasorujussuartoq, taasinerimmi 25.000-it taamaallaat nikingassutaapput.

Berlusconip partiiata piumasaraa kisitseqqissaartoqaqqissasoq.

Silvio Berlusconi qinersinerup inernera pillugu manna tikillugu suli qarluallanngivippoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat