Prodi aamma Berlusconi naligiittut
Inatsisartunut qinersinerup inernera ippassaq pissanganartorsiorfiuippoq, unammisut taaguunneqarnerat assigiipajaangaarmat, qineqqusaartuni sorleq ajugaanersoq suli oqaatigiuminaalluni.
Illuatungiliuttulli siulittaasuata, Romano Prodip, qinersinermi ajugaasutut naatsorsuutigineqarnini akuersaareerpaalusooq. Partiiata saamerliunerusup amerlanerussuteqarluni Italiami Inatsisartuni fløjini marlunni ilaasortaatitaqalernissaa ilimagineqarluinnarpoq.
Illuatungeriit taasinernik 25.000-init ikinnerusunik nikingassuteqarput.
Ministeriunerup Silvio Berlusconip partiiani ilaasortat, illersortaalumi, naammagittaalliorput. Inernerit naatsorsorneqaqqinnissaat taakku piumasaraat.
Silvio Berlusconi qinersinerup inernera pillugu manna tikillugu sunnguamilluunniit suli qarluallassimanngilaq.
