Prinsesse Benedikte Tasiilameersunit pulaarneqartoq
Tasiilami atuartut 23-t atuartunullu qaaqqusisut, Gentofte Kommunimeersut prinsesse Benedikte Amalienborg Slotimi pulaarpaat.
Allattoq Karsten Sommer
septembarip 26-at 2019 12:14
Nutserisoq Bikki P. Kleist
Pulaartarneq ukiut tamaasa 1991-imiilli aallartinneqarpoq. Atuartullu 23-t prinsessemit qaaqquneqartut pissangapput - prinsesse Benediktemmi angerlarsimaffianut Københanvimiittunut qaaqquneqarput.
Prinsesse Benedikte Gentoftellu borgmesteria Hans Toft oqalugiareermata, atuartut nipilersornermik tusarnaartitsillatsiarput.
Pulaarnermut atatillugu prinsessemut tunissisoqarpoq - puisip amianik taskiliannguaq tungujortoq, taskillu iluaniipput kameeqqat aaqqateqqalluni.
Puussiannguaq allattuiffissanik kuglepinamillu imalik Prinsesse Benediktep pulaartunut tuniuppai, pulaartoqarnerani assiliisoq, Chris Christophersen oqarpoq.
