Prinsesse Alexandra peeqqanilu assiliseqatigeerngaarput

Prinsesse Alexandra angutaatinilu aappariittut aatsaavissuaq assiliseqatigiissimapput. Prinsesse Alexandrap prins Joachimillu ikinngutaasa ilaasa katinneranni tamanna pivoq.

Taama allappoq aviiseerannguaq Danmarkimi sapaatip akunneranut saqqummersartoq, Her & Nu, kunngikkormiunut tunngasunik sammisaqarnersartoq. Prinsesse Alexandrap angutaataatalu assingi taassuma aamma saqqummiuppai.

Assiliisartup, 27-nik ukiullip, Martin Jørgensenip Prinsesse Alexandrallu peerariinnerat ukiup ataatsip missaani isertuunneqartutut oqaatigineqarsinnaavoq, taamaattorli tusagassiuutitini naqitani sammineqangaatsiareerluni.

Peerariilli assiliseqatigiinnermikkut aappariinnertik ilumut tamanut takutikkusunneraat suli oqaatigineqarsinnaagunanngilaq, immaqa inuit nuannaartorisaminnik oqaluuserisassaqalaarnissaat anguniarneqaannarpoq.

Peerariit sooq assiliseqatigiissimanersut apeqqutigineqarmat, aperineqartoq ima akivoq:

- Tamanna oqaaseqarfigisinnaanngilara!

Prinsesse Alexandrap allaffimmiua, Christine Lyng, aviisimit Danmarkimi ullormut saqqummersartumit, Ekstra Bladimit, aperineqarami naatsumik taama akiinnarpoq.

Prins Joachim ikinngutitik katimmata katittunut qeqartuuvoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat