Prinsesse Alexandra kateqqippoq

Prins Joakimip nuliarisimasaa Alexandra ullumi Danmarkip nalunaaqutaa naapertorlugu sisamanut, assiliisartumut Martin Jørgensenimut katippoq. Maannalu tassa Alexandra prinsesseujunnaarpoq.

Alexandrakkut katinnerat sjællandip kujataani Øster Egede Kirkemi pivoq, Danmarks radiollu tusagassiortuisa ilaat Niels Friid pisunut malinnaavoq.

- Grevindenngorlaap aatsaaginnaq oqarfigivaanga misigisani tupinnartumik nuannernerarlugu. Massakkorpiaq tasiorlutik tupermut unnugu festerfissaminnut iseriartorput, DR-mi tusagassiortoq Niels Friid oqarpoq.

Taannali nassuiaavoq festerfissaat takujuminaannerarlugu una katinneq avammut matoqqasussanngorlugu aaqqitaammat. Oqaluffimmut naalagiaqataasussatut inuit 100-t qaaqquneqarsimapput. Taamaakkaluartorli inuppassuit silami qiiallutik utaqqerrassimapput.

Katerlaat oqaluffimmiit anillakkamik inuit isiginnaartut inussiarnisaarfigisimaqaat tusagassiortullu apeqqutaat akilluartarsimavaat ilaatigut siunissaminni eqqissisimajumaarnissaminnik kissaateqarsimallutik.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat