Prinsesse Alexandra kateqqilerpoq

Prinsesse Alexandra, Frederiksborgimi grevindesut aamma taaguuteqartoq Martin Jørgensenimut, marsip ulluisa pingajuanni katissasoq, hofmarskali Ove Ullerup tusagassiuutinut nalunaarpoq.

Prinsesse Alexandra, Prins Joachimilu ukiuni qulingajanni kateqqareerlutik 2005-imi avipput, kingornalu prinsesse Alexandrap Martin Jørgensen naapippaa, peerariinnertillu ukiup missaani isertuussimariarlugu ukiarmi katittunut qaaqqutinnerminni tamanut nittarsaapput.

Marsip pingajuani katinnissaat tamanut ammasuunani ilagisariit iluanni pissaaq.

Prinsesse Alexandra arfininngornermi marsip pingajuani katinnermigut kunngikkormiuujunnaassaaq. Prinsessetut taaguutini annaassavaa, taarsiullugulu Alexandra Christina, grevinde af Frederiksborg kisiat taaguutigilissallugu.

Alexandra katinnermigut naalagaaffimmit immikkut aningaasarsiarisartakkani 1,9 mio. koruunit pigiinnassavai, akileraartalissaarli. Ernini Prins Nikolaj Prins Felixilu Østerbromi najugaqatigiinnassallugit.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat