Prins Joachimip prinsesse Mariellu ernerat qanoq ateqalissava?

Kunngikkormiut sapaatiuppat nukarlequtiminnik kuisitsitsissapput, kunngikkormiutut ataqqinassusillit prins Joachimip prinsesse Mariellu ernerat kuisissammat. Nukappiarannguaq qanoq ateqassanersoq eqqoriaaginnarsinnaavugut, eqqoriaatitsisartullu tamanna eqqummaariffigaat.

Nukappiarannguup Waldemarimik, Noahmik, Victorimik, Juliusimik Bernardimilluunniit ateqarnissaa eqqoriarukku aningaasat atukkatit arfineq-marloriaammik utissapput, nukappiararli Albertimik ateqartussatut eqqoriarukku aningaasat atukkatit sisamariaannarmik utissapput.

- Nukappiaqqap Albertimik ateqarnissaa kunngikkormiunut tunngassuteqartunut immikkut ilisimasallit ilimanartinneruaat, ateq taanna franskisut nipeqangajallunilu kunngikkormiunut tulluarsinnaammat, eqqoriaatitsisartut Ladbrokesikkut Danmarkimi pisortaat Richardt Funch oqarpoq.

Illuatungaanili nukappiaraq Marie-mik atserneqassappat aningaasat atukkat 50-eriaammik utissapput.

Atermi Marie danskisut niviarsiaqqanut atorneqartartoq, franskisut nukappiaqqanut aamma atorneqakkajuppoq. Assersuutigalugu kunngikkormiutut ataqqinassusilik prins Henrik kuisikkami ilaatigut atserneqarpoq Henri Marie de Monpezat.

Nukappiarannguaq maajip ulluisa sisamaanni inunngorpoq, Møgeltønderillu oqaluffiani sapaatiuppat kuisissalluni. Angajoqqaavi tassani siorna aamma katinnikuupput.

Møgeltønderimi kuisitsinermi pisunik pingaarnersiuilluni tv-kkut aallakaatitsineq KNR-tv-kkut aallakaatinneqassaaq, sapaatiuppat unnukkut qulit qaangerlugit tanneq ataatsimut aallakaatinneqassammat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat