Prins Joachimip peruluttut innaannit inimut allamut qanittukkut nuunneqarsinnaanissaa naatsorsuutigineqarpoq, napparsimmavimmili suli uninngagallassalluni.Assi: Scanpix

Prins Joachim pitsanngoriartorpoq - ajoqutigilikkamillu kingunerluuteqassanani

Prins Joachim arfininngornerup unnuaani qaratsamigut milittoornerminik suliaritippoq, tamannali kingunerluutiginavianngilaa.

Prins Joachimip qaratsami taqqami milittoornini kingunerluutiginavianngilaa. Prins Joachim taqqamik milittoornini pillugu Frankrigimi Toulousemi napparsimmavimmi arfininngornerup unnuaani suliaritippoq.

Kunngiikkormiut tusagassiutinut taama nalunaaruteqarput.

- Qaratsami taqqakkut tillertukkut aanaalernini pillugu taqqakkut milittoorpoq, nakorsallu isumaqarput milittooqqissinnaanissaanut ernumassutissaqanngitsoq, napparsimmavik taama allaaserisaqarpoq.

Prins Joachimip peruluttut innaannit inimut allamut qanittukkut nuunneqarsinnaanissaa naatsorsuutigineqarpoq, napparsimmavimmili suli uninngagallassalluni.

Prins Joachimip ilaqutaasalu eqqissisimatinneqarnissaasa ataqqineqarnissaa kunngikkormiut suli kaammattuutigaat.

Prins Joachim nulialu prinsesse Marie innuttaasut tapersersuinerannut inuulluaqqusinerannullu tusagassiutinut nalunaarummi qujassuteqarput.

AAMMA ATUARUK Prins Joachim Frankrigimi napparsimmavimmi uninngasoq

Prins Joachim Frankrigip kujataaniilloqarfimmi Cahorsimi tallimanngornermi unnukkut napparsimmavimmukaanneqariataarpoq.

Tassangalu erngertumik Toulousemi Universitetshospitalimut nuutsinneqarluni.

Prins Joachimilu napparsimmavimmi tassani iluatsilluartumik suliaritippoq. Prins suliaritinnermi kingorna ajunngitsoq kunngikkormiut arfininngornerup unnukkuani nalunaarutigaat.

Prins napparsimmavimmi suli uninngasoq sapaammi aamma nalunaarutigineqarpoq, matumanilu prinsip kingunerluuteqassannginnera aamma naliliissutigineqarluni.

AAMMA ATUARUK Kunngikkormiut: Prins Joachim pisup kingorna ajunngilaq

Prins Joachimip napparsimmavimmut unitsinneqarnissaanut ullut marluk sioqqullugit prins Joachimip nuliamilu prinsesse Mariep prins Felixip 18-iliinera vinslottimi Cayximi nalliuttorsiuutigaat. Felixip arnaa, Alexandra aamma peqataavoq.

 

Prins Joachim Frankrigimut nuunniarluni siorna aalajangerpaa. Matumanilu franskit sakkutooqarfianni sakkutuutut ilinniarfimmi Ecolé Militaire-imi pisortatut ilinniarneq qaffasinnerpaaq ilinnialerlugu. 

Prins Joachimilu Parisimi Danmarkimip sillimaniarnermut suliaqarneranut septembarip aallaqqaataaniit suliaqalertussatut nutaatut ukioq manna siusinnerusukkut toqqarneqarpoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat