Prins Joachim Nuummut tikeraartoq
Prins Joachim Nuummut ullumi tikippoq sisamanngorpallu tungaanut Issittumi Sakkutooqarfimmut pulaassaaq, Den Kongelige Grønlandsfondip siulersuisuini ataatsimeeqataassalluni, Red Barnetip Nunatsinni immikkoortoqarfittaavanut pulaarluni kiisalu Meeqqat pisinnaatitaaffiinik sullissivimmut MIO-mut pulaassalluni.
Allattoq Hagen Højer Christensen, Simon Uldum
marsip 25-at 2014 15:39
Den Kongelige Grønlandsfondimi ataatsimiinneq umiarsuarmi alapernaarsuummi Knud Rasmussenimi aqagu pisussaavoq, tamatumalu kingorna Prins Joachim MIO-mut pulaarniarpoq, meeqqallu illersuisuiata Aaja Chemintz Larsenip kalaallit meerartaasa pisinnaatitaaffiisa Naalagaaffiit Peqatigiit meeqqat pisinnaatitaaffii pillugit aalajangersagaannut tunngatillugu qulakkeerneqarnissaannik sulineq MIK-llu maanna suliniutigisai oqaluttuarissamaarpai.
Prins Joachim tamatuma kingorna Red Barnetimut pulaassaaq peqatigiiffiup Nuummi immikkoortortaqarfittaavani sulineq pillugu oqaluttuunneqassalluni.
