Prins Joachim: Anaanama oqaloqatiginiarsimanngilaatigulluunnniit

Prins Joachimip meeraasa prinsitut prinsessetullu ukiumit nutaamit taaguuteqarunnaarnissaat dronning Margrethep sapaatit-akunnerata massuma ingerlanerani nalunaarutigereeraalu, prins Joachim prinsesse Marielu suli oqaloqatigisimanngilai.

Aviisip B.T. prins Joachim prinsesse Marielu Parisimi oqaloqatigereerlugit taama allaaserisaqarpoq.

Dronning Margethep oqaloqatigisimanerai aviisip apeqqqutigisimavaa:

- Ajoraluartumik naamik, prins Joachim oqarpoq.

Kunngissaq Frederimmut nulianullu Marymut pitsaanerusumik aamma inooqateqarsinnaallutik prins Joachimip ilanngullugu oqaatigaa.

Prins Joachimip meeraasa sisamat ukiumit nutaamit prinsitut prinsessetullu taaguuteqarunnaarnissaat dronningip aalajangersimagaa, kunngikkormiut pingasunngormat ilisimatitsissutigaat.
Kunngikkormiut ernutaasa sisamat Monpezatimit akimarngit ilaattut akimasuullu paniatut tassa grevetut komtessetullu taaguutitik suli atorsinnaassavaat.

Kunngikkormiut oqarnerat naapertorlugu dronningip ernuttami sisamat “kunngikkormiunut atassuteqarnermit killiligaaqqanatik pisussaaffeqaratillu” kiffaanngissuseqarnerullutik namminneq inuuneqarsinnaanissaat siunertaraa.

Pineqartut tassaapput prins Joachimip grevinde Alexandrallu ataatsimut meeraat Nikolai 23-nik ukiulik, Felix 20-nik ukiulik aamma prins Joachimip prinsesse Marielu meeraat Henrik 13-inik ukiulik kiisalu Athena qulinik ukiulik. Kunngissaq Frederiup nuliatalu Maryp meeraat matumani pineqanngillat.

Dronningip aalajangernera prins Joachimimit prinsesse Mariemiillu grevinde Alexandramiillu tigulluarneqanngilaq.