Prins Joachim aamma Marie Cavallier katipput

Prins Joachim ullumi nuliartaarpoq, Danmarkilu prinsessetaarluni. Prins Joachim aamma Marie Cavallier Møgeltønderip oqaluffiani katipput, nuliassanilu eqqunneqarmat prins Joachim ilunngoqaluni Marie Cavallier isigaa.

Inuit 300-ngajaat naalagiaqataapput, prins Felixilu qasunnguatsiarami biskopip Erik Normann Svendsenip oqaasii tusaanngitsoorpai.

Nuliariilersussat naapitassaat pillugit biskoppi isertuanani oqaaseqarpoq, prins Joachimillu prinsesse Alexandramit avissimanera Marie Cavallierlu avinnikut qitornaattut alliartorsimanera oqaaseqarnermini ilanngullugit.

Inuit tuusintilikkaat katittorsiorniarlutik Møgeltønderiliakaasimapput.

Inuit katillugit 287-it Schackenborgimi nereqatigiinnissamut qaaqqusaasimapput. Sverigemiit peqataatitaq tassaavoq kronprinsesse Victoria, Norgimilu kunngissaq Haakon nulialu kronprinsesse Mette-Marit, Danmarkimilu kunngikkormiut nereqatigiinnissmut soorunami peqataallutik.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat