VIDEO Prins Henrik qimmimit kunitsippoq
Dronning Margrethe prins Henrillu Nunatsinni angalaarnerminni tikitaminni tamani tikilluaqqulluarneqartarput. Sisimiuni qimmeq angisooq tikilluaqqulluqqusilluartunut ilaavoq.
Allattoq Nûno Isbosethsen
juulip 17-at 2015 13:23
Illoqarfimmi pisuttuarneranni prins Henriup Sisimiuni innuttaasut ilaat oqaluuppaa, taassumalu qimmini angisooq pituutserlugu pisoqatigaa.
- Unaana qimmeq suna, prins Henrik aperaaq.
Taamalu oqartoq qimmeq, Aputsiamik atilik, nikuilluni prins Henrik kunillugulu eqerujussuarpaa. Qujanartumillu prins Henriup tamanna nuannariinnarpaa, tamarmillu illalaarlutik.
