Prins Henrik napparsimmavissuarmut unittoq
Kunngikkormiut tusagassiorfinnut nalunaaruteqarlutik taama allapput.
Nissuminik talerperlermik anniarnini pissutigalugu unitsinneqarpoq. Imeqqutamigut talerperlikkut kuutsimigullu talerperlikkut juulip qaammataani suliaritinnermi kingorna prinsip anniaateqarnera sakkortusiartuinnarsimavoq.
AAMMA ATUARUK Piffissaq kunngikkormiunut imaannaanngilaq
Prins Henrik tamatumuuna nakorsaatit kisiisa atorlugit katsorsarneqassasoq pilatseqqinnissaalu ilimagineqanngitsoq, Kunngikkormiut taama nalunaaruteqarput.
Prins Henriup kunngikkormiutut ataqqinassusillip dronning Margrethep saniani Roskilde Domkirkemi ilineqarnissani kissaatiginagu qanittukkut nalunaaruteqarnerata kingorna sammineqangaatsiarpoq.
Prins Henrik danskit kunngeqarfiata iluani kunnginngortinneqannginnini akerleralugu taama aalajangersimavoq.
AAMMA ATUARUK Dronningi prins Henrillu immikkut illerfeqassasut
