Susseximi hertugip Harryp nulialu Meghanip kunngikkormiut sinnerlugit atuuffimminniikkunnaarnerat, taamaalillutillu kunngikkormiutut akissarsiatik annaagitsik, arfininngormat nalunaarutigineqarpoq.Assi: Scanpix

Prins Harry: Tunuarnissara periarfissatuaavoq

Piviusoq prinsiunngitsumit hertugiunngitsumilluunniit, uanniilli tassa Harrymit tusassavarsi, dronning Elisabethip ernutaa oqarpoq.

Tuluit prinsiata Harryp nulianilu Meghan Tuluit Nunaanni kunngikkormiut sinnerlugit atuuffimminniit tunuartariaqarsimanertik aliasuutigisorujussuuaa.

Tv-kkut nutaarsiassaqartitsivik Sky News naapertorlugu prins Harry ajunngitsuliortut sapaammi ataatsimiinneranni taama oqarpoq.

AAMMA ATUARUK Prins Harryp nuliatalu kunngikkormiusut ataqqinartutut taaguutitik annaagaat

Aalajangerniarnera imaannaasimanngeqisoq allamilli periarfissaqarsimanngitsoq aamma oqaluttuaraa.

Susseximi hertugip Harryp nulialu Meghanip kunngikkormiut sinnerlugit atuuffimminniikkunnaarnerat, taamaalillutillu kunngikkormiutut akissarsiatik annaagitsik, arfininngormat nalunaarutigineqarpoq.

Eqqissilluni inoorusuttoq

Prinsesse Dianagaluup nukarlequtaata, Harryp, eqqissisimanerusumik inuuneqalernissani kissaatiginerarpaa.

- Aallartilluarpallaannginninni oqaatigissavara ulluni kingullerni tusarsimasasi atuarsimasasiluunniit takorluuinnarsinnaagakkit, tusarnaartunut ajunngitsuliortut kattuffianit Sentebalemit Londonimut neriartoqqusaasimasunut oqarpoq.

AAMMA ATUARUK Meghan Canadamiippoq Harrylu aaqqiissuteqaqataaniarsaraluni

- Taamaattumik piviusoq ilissinnut sapinngisamik tusarliutigerusuppara, prinsituunngitsoq hertugituunngitsorluunniit, kisiannili Harrytut. Ukiuni 35-ni kingullerni peroriartortoq malinnaaffigisassi inuttaa allanngunngilaq, inuunermulli isiginneriaasia ersarinnerulersimalluni.

- Tuluit Nunaat angerlarsimaffigalugulu uummateqarfigaara. Tamanna allanngunngisaannassaaq.

- Peroriartorninni misigisarpunga tapersersortigalusi, Meghanimullu ilassinnilluarnersi arajutsisimanngilara, aamma asanninnerup pilluarnerullu inuuninni ujartortuarsimasamma naninerini malinnaavigaarsinga.

- Dianallu nukarlequtaatut nuliara (Meghan, aaqq.) katippara. Horaa.

Meghan Canadamiittoq

Prinsesse Diana Parisimi 1997-imi assiliiniartuniit qimaanermini biilimik ajunaarpoq.

- Anaanaga ukiut 23-t matuma siorna annaagakkuli sernissorparsinga. Sivisuumik isumagaarsinga, nutaarsiassaqartitsiviilli pissaaneqarsinnaasaqaat. Neriuppunga siunissami tapersersoqatigiilerumaartugut, Prins Harry oqarpoq.

AAMMA ATUARUK Harry Meghanilu kunngikkormiunit tunuaaminiartut

Harryp nuliani erninilu qeqertamut feeriarfiusartumut, Canadap kujataata kippasissortaani Vancouverip eqqaaniittumut sapaatip-akunnerata tulliani malikkumaarai ilimagineqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat