Prins Harry Irak-imiunit tigusariniarneqarpoq
Tuluit kunngikkormiuisa ilaat Prins Harry qaammatip tulliani Irak-imut sakkutuunngoriartussaaq, tigusarineqarnissaalu aalleqqutigineqarluni, aviisi politiken taamatut allaaserisaqarpoq.
Sakkutuut immikkut sungiusakkat qulakkeerlugu oqaluttuaraat, Prins Harry tigusarineqarnissaannik piukkunaateqartinneqartoq.
Sakkutooqarfitsinni paasissutissiisartunik peqarpugut Prins Harry-ip sumiinneranik nalunaartartussanik immmikkullu sungiusakkanik sakkutooqarluta, pikititsiniat aquttuat Moqtada al-Sadr oqarsimavoq.
Prins Harryp tigusarineqarnissaannik piukkussinertik tunngavilersorpaa, namminneq tuluit sakkutuuvinik hundrede-nik toqutsisinnaagamik tuluit tunuarternerannik kinguneqanngikaluartumik, Prins Harry-lli tigusarineqarnissaa piukkunnarneruvoq, taamaaliornikkut tuluit sakkutuuvi tunniutiinnartinneqarsinnaagamik oqaloqatigalutalu, pikititsiniat siuttuat oqarsimavoq.¨
Taamatut siorasaarisoqaraluartoq Prins Harryp qaammatip tulliani Irak-iliarnissani aalajangiusimavaa, qaammatit arfinillit sakkutuunut aqqaneq marlunnut aqutsisuusussaalluni.
