Prammi assartuut Paakitsumi kivisoq
Angallat imaanut sisoorami puttanermut atortui imermik imaqarput taannalu pissutigalugu erngerluni kivivoq. Sissamut ungasinngitsumiippoq angallallu dieselimik 800 literimik tankiminiittoqarmat maqisoornissamut assersuusinik kaajallaallugu atortulerneqarsimavoq.
- Prammi nunamut amusimavarput iluarsaanniarlugu. Aquali imaanut sammigami sisoorluni imaanut avalaqqissimavoq, Nukissiorfinni allaffeqarfimmi pisortaq Ole Aggo Markussen oqarpoq.
Nukissiorfiit nalunaarput ullumi ullup ingerlanerani angallat nunamut qaqeriarniarneqartoq iluarsaannissaa naammassiniassammat aammalu mingutitsisoqarsinnaanera pinngitsoorneqarniassammat.