Praktikkerfissaaleqineq iliuuseqarfigeqquaa

Siumut sinnerlugu Inatsisartunut ilaasortaq Doris Jakobsen ilinniartut praktikkerfissaaleqinerat pillugu iliuuseqaqqusivoq, taamaammat Inatsisartuni Kultureqarnermut, Ilinniartitaanermut Ilisimatusarnermut Ilageeqarnermullu Ataatsimiititaliap Naalakkersuisut siulittaasuannik ataatsimeeqateqarnissaa piumasaqaatigaa.
Allattoq Mads Lynge
januaarip 04-at 2011 10:01

Naalakkersuisut siulittaasuata Kuupik Kleistip ukiortaami oqalugiaammini praktikkerfissaaleqineq akiorniarlugu isumalluarnartumik nipeqarluni oqariartuuteqarnera, Doris Jakobsenip eqqaavaa, taamatullu oqariartuuteqarneq oqaasiinnaassanngippat maannangaaq iliuuseqartoqartariaqarnerarlugu.

- Sinerissami Nuummilu suliffiutillit nunaqavissut ataatsimoorlutik 2010-mi ukiakkut qisuariaateqarput, aatsaat taama suliassaaleqitigalutik, suliffeqarfiillu akiliisinnaajunnaarlutik unittut aatsaat taama amerlatigisut, taamaammat praktikkerfissaaleqinermut ikiuussinnaanatik. Ukiuni tulliuttuni pingasuni siumut pilersaarusiorsinnaanatik praktikkertunillu nutaanik tigusisinnaanatik sanaartornikkut suliassaaleqinerujussuaq tunngavigalugu, Doris Jakobsen ilaatigut oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq