USA-mi præsidentip tullersortaata J.D. Vancep nunanut allanut ministerimik Lars Løkke Rasmussenimik (M)  Washington D.C.-mi Præsidentip Illorsuani pingasunngorpat ataatsimeeqateqarnermi peqataanissaa toqqaannartumik pissutsinik ilungersunarnerulersitsivoq.

USA pillugu immikkut ilisimasallit taamatut naliliipput.

- Tamassuma præsidentimut USA-mullu qanoq pingaaruteqartigineranik ersersitsivoq, tamannalu ataatsimiinnerup qanoq ittuussusaanik allanngortitsivoq, Aarhus Universitetimi inuiaqatigiilerinermi professori Derek Beach oqarpoq.

USA-p Kalaallit Nunaannik aqutsinissamik  piffissami kingullermi soqutiginninnerulernera pissutigalugu Lars Løkke Rasmussenip aamma Nunanut allanut tunngasunut ministerip Vivian Motzfeldtip  Amerikamiut sapaatip-akunnerata siuliani ataatsimeeqatigiumavaat.

Nunanut allanut ministeri Marco Rubio akuersivoq, danskillu naalakkersuisuisa eqqissisimasumik  oqaloqatigiittoqarnissaa neriuutigalugu Amerikamiut nunanut allanut ministeriannik oqaloqateqarnissamut periarfissaq nuannaarutigaat.

Ajornerulersitsisoq

Marlunngornermili pissutsit allatut isikkoqalerput.

J.D. Vancep najuunnissaanik paasissutissap "akunnialuit matuma siorna" paasinnginnerani ataatsimiinneq nunanut allanut ministeriinnarnit najuuffigineqarnissaa pilersaarutaajuaannarsimasoq, (S)  tusagassiortunik marlunngornermi ualikkut katersortitsinermi ministeriuneq Mette Frederiksen oqarpoq.

Marco Rubio pisortaqarfimmi "ikinngutinnernerusutut" naapeqatiginnikkusuttutullu isigineqartoq, J.D. Vancep isigineqarnera allaanerulluinnarpoq.

Derek Beachip oqarnera naapertorlugu taanna Donald Trumpip nipaatut sakkortuutut "akerliliisutullu" inissisimassaaq. Præsidentip tullersortaa Kalaallit Nunaat nammineq tikeraarsimasani pillugu maluginiarnartunik oqaaseqartarpoq.

- Ajornartorsiutip aaqqinneqarani sakkortunerulerneranik takussutissaqarpoq, Derek Beach oqarpoq.

Maanna oqaloqatigiittoqarpoq

Aamma pingasunngornermi ataatsimiinneq nunanut allanut politikkimut tunngatillugu alloriarnerusoq, Rasmus Sinding Søndergaard, nunat tamalaat pillugit ilisimatusarfimmi (DIIS) Danmarkimi ilisimatusartoq, naliliivoq.

J.D. Vance Marco Rubiomit allaanerullunilu sukannernerusumik periaaseqarneragaanera taassuma isumaqataaffigaa.

Tamannali nunanut allanut ministerimut Lars Løkke Rasmussenimut Danmarkimullu ajortuusariaqanngilaq.

Marco Rubiomik ataatsimeeqateqareernerup kingorna Vancemit Trumpimillu politikkikkut qaangerneqarsinnaanera ernumagineqarsinnaavoq.

Illuatungeriilli ataatsimiinnermi arlaatigut isumaqatigiissappata, tamanna J.D. Vancep najuunneranit aalajangiisuunerussaaq.

- Taamaattumik paasinnittaatsimut tassunga assortuisinnaasumik allamik peqanngilaq. Tamanna Trumpip sinniisaata najuunnerisut isigineqarsinnaavoq, siunnersuisuisami tatiginerpaasai marluk najuupput, Rasmus Sinding Søndergaard oqarpoq.

Ulrik Pram Gadip, Diis-imi Kalaallit Nunaanni politikkimik ilisimatusartup, ataatsimiinnerup kingunerisaanik ajornartorsiutip pitsaasumik ajortumilluunniit kinguneqarsinnaanera aamma maluginiarpaa.

- Taamaattumik eqqumiinnerulerlunilu nuanniillinerusinnaavoq. Inimeeqatigiippulli oqaloqatigiillutik, taanna oqarpoq.

/ritzau/