Assi: KNR

Præsidentinngortoq pakatsissutigineqartoq

Amerikami præsidentinngorniunnerup inernera Nunatsinni politikerit arlallit pakatsiffigalugu maanna oqaaseqarfigereerpaat, tassanimi qinigaavoq aningaasaatilissuaq Donald Trump.

- Qisuariaatiga siulleq tassa aliatsanneq.

Demokratineersoq Justus Hansen taama oqarpoq -  Inatsisartut nunanut allanut sillimaniarnermullu ataatsimiititaliaanni taanna aamma siulittaasumut tullersortaavoq.

Taassuma aamma isertuutinngilaa neriuutigisimagaluarlugu præsident Barack Obamamut Hillary Clinton taartaajumaartoq.

Aamma atuaruk Ane Hansen: New Yorkimi inuit sunnertissimarrapput

Nunanummi allanut tunngasunut ministeriusimasup Issittumik ukkatarinninnini ingerlatiinnarsimassagunaraluarpaa. Maannali Trump aquttuutillugu pisussat nalunarput.

- Ilisimanngisakka toqqissisimanarinngilakka. Qinigaasummi sakkortuuliorluni oqaluttarnermini takutissimanngilaa sunarpiaq politikkerinerlugu. 

Aammattaaq nunanut allanut sillimaniarnermullu ataatsimiititaliami siulittaasup Ane Hansenip amerikamiut qinersinerisa inernerat pakatissutigaa.

Aamma atuaruk Trumpip nalaani Issittoq eqqissisimanarnerussasoq

- Assut pakatsinarpoq. Naatsorsuutigisimagaluarparami soorunami Clinton ajugaassasoq, taamaattumik pakatsisunut ilaavunga, Ane Hansen oqarpoq.

Ane Hansenip Justus Hansenitulli erseqqissarpaa maannamut ilisimaneqanngitsoq USA'p præsidentissaata Issittumut qanoq pissusilersornissaa, taamaattumillu nalornisitseqataasoq qinersinerup Kalaallit Nunaannut sunniutissai pillugit.

- Kalaallit Nunaannut Pituffik, Camp Centurylu eqqarsaatigalugit kingunerisinnaasai aarlerigaakka. Taakku pillugit isumaqatigiinniarnerit kingunerisinnaasai takorlooruminaapput, Ane Hansen oqarpoq.

Justus Hansenip Naalakkersuisut kajumissaarpai amerikami naalakkersuisunngortussat piaartumik attaveqarfigeqqullugit.

Aamma atuaruk Kielsenip Trumpi pilluaqqugaa

Ilutigitilluguli Naalakkersuisut sinniisaat aamma nunanut allanut sillimaniarnermullu ataatsimiititaliameersut ornigutsinneqartariaqarput.

- Taamaalillutik ersersinniassammassuk USA-mi naalakkersuisut nutaat suleqatigerusukkatsigit, Justus Hansen taama oqarpoq.

Aamma atuaruk Trump naggueqatigiinnut inunnut tusarluarnanngilaq

Aamma atuaruk Trump præsidentinngussappat Issittumut sunniuteqartupilussuussaaq

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat