PPR kommunit ataaniilernissaat tusarniaassutigineqarpoq
Paamiut, Maniitsoq, Illoqqortoormiut Nanortalillu Qaqortumiit isumagineqartarsimagaluarput. Qaqortumi PPR-mi, tarnip pissusaanik ilinniagalittut atorfilik Else Poulsen ima oqarpoq.
-Tusarniaanermut atatillugu annertusisamik immikkut atuartitsineq ilanngullugu tusarniaassutigineqarpoq, maassakkut Namminersornerullutik Oqartussat tigummigamikku taanna. Kisiannili januaarip aallaqqaataaniit annertusisamik immikkut atuartitsineq kommuninut tunniunniarneqarami.
Psykologit assigiinngitsorpassuarnik aporfeqartarsimapput, kisiannili psykologit kisiisa eqqarsaatigalugit ajornartaanerusumapput kalaallisut oqaluttunik sulisoqarniarneq, psykologit immikkut atuartitsinermi siunnersortit, talepædagogit, tassa oqalunniarnermut perorsaasut, imikkut ilinniagallit amigaataasorujussuusimapput. Else Poulsen malillugu taakkuupput immaqa annertunerpaamik aporfissaqartitsisarsimasut.
-Sulisunut atatillugu ajoraluartumik ilimananngilaq siunissami iluarsinissaat. Kisiannili kujataa eqqarsaatigalugu sulisut ikittunnguit soorunami assigiinngitsutigut suliaqarsinnaapput aammalu sulisunut taamaalillutik pissutsit oqinnerulersinnaapput, kisianni imaanngilaq imatut allannguuteqartoqassasoq, taama naggasiivoq Else Poulsen.
Kujataani annertusisamik atuartitsinermut, ukiup affaanut 500.000,00 koruunit tikingajallugit aningaasaliissuteqartoqartartoq Else Poulsen aamma oqarpoq.