PPR atorluarneqarpoq

Nuup Kommuniani Tarnikkut Perorsaanermilu Siunnersuisoqatigiiffimmik, PPR-imik taaneqartartumik 2003-mi pilersitsisoqarmalli, meeqqat innersuussutigineqartartut pingasoriaammik amerleriarsimapput.
Allattoq Mads Lynge
decembarip 27-at 2007 08:08

Tamatuma kinguneranik siunnersorneqarnissaminnik utaqqisut ullumikkut 77-inngorsimasut, KIIIP aviisimut Meeqqerivitsialammut ilisimatitsivoq.

- Tamatuma takutippaa suliffeqarfittut kommunimi atorluarneqalernerput, aammami siusissukkut iliuuseqarnissamik paasinnikkiartuaarneq patsisaaqataavoq, Nauja Nathanielsen psykologit aqutsisuat taama oqarpoq.

Ukiormanna Nuummi PPR 77-inik suliassinneqarpoq. Siunnersuisarfimmi siullerpaamik oqaloqateqarnissamut sivisunerpaamik sapaatip akunnerini sisamani utaqqisoqartassasoq aalajangiunneqarsimavoq. Saaffiginnittut affaat sinneqalaartut meeqqat pissusilersornerat, attaveqarniarnerat atugarissaannginnerallu pissutigalugit saaffiginnissutaapput.

Nuummi PPR-ip sulisorai tarnit pissusaannik ilinniarsimasut sisamat, tale- og hørepædagogit marluk, isumaginninnermi siunnersortit marluk, immikkut atuartitsinermi siunnersorti ataaseq allaffimmiorlu.