PPK-p Namminersorlutik Oqartussat suliassanngortippaat
Akissarsiat sulinermilu atukkat pillugit isumaqatigiissutaasimasut pillugit Namminersorlutik Oqartussat isumaqatigiissutaaqqammersumik qatangiinnaasimammat Peqqinnissaq pillugu kattuffik, PPK Namminersorlutik Oqartussat suliassanngortikkaat, PPK-mi siulittaasoq, Karin Holler, KNR-mut nalunaaruteqarpoq.
Allattoq Bikki P. Kleist
decembarip 09-at 2009 12:32
Peqqissaasut sisamat nunani allaneersut 2010-mi januaarip aallaqqaataanit atorfinittussat immikkut akuerineqarlutik qallunaatut ilinniartinneqarnissaat Namminersorlutik Oqartussat akuersissuteqarsimammata, PPK suliassanngortitsivoq.
Peqqissaasut nunani allaneersut atorfinitsinnissaannut atatillugu isumaqatigiissutit malinnagit immikkut ajunngitsorsiassaqartinneqarnissaat
Namminersorlutik Oqartussat sulisussarsiulermata PPK maanna suliassanngortitsivoq.
Namminersorlutik Oqartussat aamma PPK decembarip aallaqqaataani tusagassiuutinut nalunaaruteqarmata, taamanikkut illuatungeriit tamarmiullutik isumaqatigiissutigaat immikkut ajunngitsorsiassaqartitsineq unioqqutitsinerusoq.
