Hellerup-imi Kalaallit Illuanni pisortaasimasoq Poul Madsen sivikitsumik napparsimareerluni Danmarkimi ippassaq toquvoq, 77-nik ukioqarluni.
Poul Madsen nunatsinni spejdereqarnermi suleqataasunut nuimanernut ilaavoq, nunatsinnilu spejderit kattuffiat 1971-mi pilersinneqarmat pilersitseqataalluni. Tassani aamma ataqqinaammik ilaasortaavoq.
Poul Madsenip suliaasa ilagaat kalaallit Københavnimi iliveqarfianni nakkutillisuuneq, kalaallillu eqqumiitsuliaannik kusanartuliaannillu katersarpassuani pillugit aamma ilisimaneqarpoq.
Poul Madsen Nersornaammik sølvimik 1992-mi nersornaasigaavoq.