POST Greenland meeqqanut tapiissuteqalerpoq

POST Greenland meeqqanut isumagisarialinnut 200.000 kruuninik tunissuteqarniarpoq.

Nunatsinni frimærkip nalinganit ilassuserneqarsimasup tunineqarneranit aningaasat isertitat ilanngarneqaratik isumagisarialinnut tunniunniarneqarput.

Nunatsinni meeraaqqat inuusuttullu immikkut isumagisariallit pitsaanerusumik atugaqalernissaat anguniarlugu suliniaqatigiiffik Foreningen Grønlandske Børn aningaasanik tunineqarniarpoq, tunniussinerlu maajip 17-ianni pissaaq.

Aningaasat tunniunneqartut taama amerlatiginerannut pissutaavoq, frimærkip nalinganit ilassutitalimmik Kalaallit Nunaanni atuisut nunarsuarmilu frimærkinik katersisartut soqutiginninnerujussuat.

Frimærki pineqartoq eqqumiitsuliortumit Aka Høeghimit suliarineqarsimavoq.

Foreningen Grønlandske Børn 1924-mi aallarnerneqarpoq, siornalu ukiuni 80-ini atasimanini nalliuttorsiutigisinnaasimallugu.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat