Post Greenland frimærkinik nutaanik saqqummersitsivoq
Frimærke taanna eqqumiitsuliortumit Aka Høegh-imit titartarneqarpoq. Titartakkaminullu qalipaasersuisimanerminik nammineq imatut oqaaseqarluni: ”Frimærkip qalipaatai nunatsinni qalipaaterpassuarnik oqaluttuartuupput - inuit qalipaatinik nuannarisaqarnerannik. Takuinnariarsigik arnat kalaallisuui qalipaatigissaaqisut, illugullu assigiinngeqisunik qalipaasersugaapput, Aka Høegh frimærkit titarkanni saqqummersinneqartut pillugit taamatut oqarpoq.
Taassuma saniatigut Prins Henriup 75-inik ukioqalerneranut atatillugu Post Greenland Frimærkemit saqqummersitsivoq. Frimærkip taassumap ersersippaa Kalaallit Nunaata Kunngikkormiullu akornanni ataqatigiinneq kialaartoq. Frimærki ukiut ingerlaneranni Dronningitta uianik assiliartallit saqqummersinneqartut aappassaraat.
Eqqumiitsuliorneq nutaaliaasoq pillugu Post Greenlandip saqqummersittakkami frimærkinik pingasunik kusanarluinnartunik ilavai, kiisalu Qernertormiup amerikkamiup Matthew Henson-ip Qalasersuarmi Avannarlermi tusaamasap Robert Peary-p ilisimasassarsiorneranut peqataanerata 100-junngortorsiorneranut atasumik POST Greenland frimærkimik saqqummersitsivoq.
