Post Greenland frimærkinik nutaanik saqqummersitsisoq
Frimærkini nunatsinni ullutsinnit oqaluttuarisaanitsinnillu kulturikkut pisartut sammineqartut, POST Greenland oqaluttuarpoq.
EUROPA-frimærkit nutaat marluk frimærkiliuussisartutoqqamit Buuti Petersenimit suliarineqarput.
PostEuropimi ”illussaarsuit” ukioq manna sammineqarput.
Nunatsinnili illussaarsuaqanngilaq. Buuti Petersenilli iluliarsuit illussaarsuarmut sanilliunneqarsinnaasut nunatsinnit illussaarsuartut atorpai.
Frimærkini sammisaq alla - ”Stationit avinngarusimasut” - taakkulu nunatsinni oqaluttuarisaanermit sakkutooqarfiusimasuneersuupput. Lisbeth Karline Poulsenip uuliaasivikut pinngortitamut qimaannakkat erfalatserfikorlu sammisamut tassunga atorpai.
Frimærkini sammisaq alla tassaavoq ”Aningaasatoqqat”.
Taakkunanilu aningaasatoqqat KGH-mi 1900-ukkut aallartinneranni atorneqarsimasut takuneqarsinnaapput.
Frimærkinilu sammisaq kingulleq tassaavoq ”najukkani atortussat kusanartuliat”. Sammisamut tassunga Great Greenlandimiit puisip amianik kavaajaliaq kusanartoq europami frimærkinik nuannarisallit takusinnaasaattut sananeqarpoq.
Kiisalu ukioq manna kunngikkormiut 50-iliillutik katiffissiornerat juunip qulingani pisussaavoq. Tamatumunga atatillugu POST Greenland, Posta Faroe Island, PostNord Danmarkillu Dronning Margrethep Prins Henriullu 50-iliinerat kunngikkormiusut assingat atorlugu frimærkiliorpaat.