Socialdemokraatit siulittaasuannut ministeriunerusumut Antonio Costamut ajugaanerujussuuvoq, Naalakkersuisuutitsinermi nalaanni aningaasarsiornikkut ingerlallualersitsimammat.Assi: Jon Nazca/Reuters/Ritzau Scanpix

Portugalip naalakkersuisui inatsisartunut qinersinermi ajungaasut

Portugalip ministeriunera, Antonio Costa taassumalu socialdemokraateqatai inatsisartunut sapaammi qinersisoqarnerani ajugaaqqipput.

Portugalimi inatsisartunut sapaammi qinersisoqarmat, maanna naalakkersuisuusut partii PS socialdemokraatit , qinersisartut 36 procentiinnik qinerneqarlutik ajugaapput, illuatungiiuttut talerperliuniat PSD qinerneqarnerpaat tulleralugit 27,9 procentinit qinerneqarpput.

Socialdemokraatit siulittaasuannut ministeriunerusumut Antonio Costamut ajugaanerujussuuvoq, Naalakkersuisuutitsinermi nalaanni aningaasarsiornikkut ingerlallualersitsimammat.

Partii PS qinersinermi uani nukittunerulerpoq, partiillu tapersersortai aamma qinigaalluarsimallutik, partiip siulittaasua Costa tapersersortini nuannaaqisut sapaammi unnukkut Lissabonimi oqalugiarfigigamigit taama oqarpoq.

Taamaakkaluartoq Partii PS inatsisartuni amerlanerussuteqarnissaanik qulakkiinngilaa.

Partii PS inatsiartuni 20-nik ilaasortaatitaqalerpoq, ilaasortallu qulit amigaatigineqarput amerlarussuteqarnissamut.

Maanna suli ilisimaneqanngilaq partiip siulittaasua maanna 58-nik ukioqartoq Costa naalakkersuisunngortitsinissamut partiit sorliit tapersersortigiumaarnerani.

/ritzau/Reuters

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat