Portugalimi orpippassuit ikuallattut: Inuit 30-t ajoqusertut

Portugalip qeqqani orpippassuit marluk ikuallangaatsirnerini inuit 30-t ajoquserput. Inuk ataaseq peruluppoq, førstegradimik andengradimillu uutitersimalluni napparsimmavimmut unitsinneqarsimavoq.

Sumiiffimmi oqartussaasut qallunaat nalunaaqutaat naapertorlugu sapaammi unnukkut taama paasissutissipput, nutaarsiassaqartitsivik Reuters allappoq.

Qatserisartut isumaqaraluarput sapaatikkut ullaakkut ikuallanneq siaruariartorunnartissimassallugu. Sapaatilli unnuaani orpipassuit marluk ikuallanneri suli siaruariattorput, sakkortuumik anorlernerata qamiterineq ajornakusuulersimmagu.

Ikualanerit nunap immkkoortuanut qamittumiittumut Santaremimut siaruaassimapput kommuninilu Vila de Rei-mi aamma Macao-imi nunaqarfippassuit aarlerinartorsiortillugit.

Isumannaallisaaneq pissutigalugu nunarfiit arlallit inui oqartussasunit nutsertinneqarallarput.

Taamaattumik sumiffinni najugaqartut arlallit namminneq qamisaapput. Qattat slangillu seqqartaatit atorlugit angerlarsimaffitik illersorniarlugit ikualanerit annikillisarpaat.

Qatserisartoqarnermii oqartussat ataasinngornikkut ullaakkut ikuallannerit siaruariartorunnaartissallugit neriupput. Silaalli kiassusaata ataasinngornerup ingerlanerani Macaoimi 38-t Vila de Rei-milu 35-t angussagaat ilimagineqarpoq, taamalu qatserineq ajornakusoornerulersissallugu.