Port-au-Princep allamut nuunneqarnissaa eqqarsaatigineqarpoq
Haiti pillugu ataatsimeersuarnermi Canadami Montrealimi ippassaq tamanna erserpoq.
Haitimi nunap sajunnerata kingorna Port-au-Princemi suna tamangajammi aseruatiterpoq, nunallu sajunnerata kingornagut, sakkortuunik sajoqqittarluni. Taamaalilluni Haitimi illoqarfiit pingaarnersaat nunami sajuttartumi inissisimaannarnissaa naatsorsuutigineqarpoq.
Illoqarfiit pingaarnersaata allamut inissillugu sanaqqinneqarnissaa ilaatigut Canadap nunanut allanut ministerianit Lawrence Cannonimit eqqarsaatigeqquneqarpoq.
Illoqarfiit pingaarnersaanni innuttaasut amerlanersaasa allamut nuunnissaat Haitimi pisortanit ammaffigineqarpoq.
Haitimi nuna sajummat, sekundit 30-it ingerlanerinnaani, nunami inuussutissarsiutit pingaarnersaasa 60 procentii annaaneqarput.
Port-au-Princemi innuttaasut 400.000-it illoqarfiup avataanut tupernut inissikkallarneqarnissaat pisortat pilersaarutigaat. Tupernut inissiigallarnerit, sapaatip akunnerata naanerani aallartinneqarnissaat pilersaarutaavoq.