Portørit siunissami ilinniartilerusuppai

- Siunissami portørit pikkorissaannarnagit ilinniartitsinivimmik ilinniartinneqartalernissaat pisariaqarpoq, Peqqissutsimut naalakkersuisoq Asii Chemnitz Narup taama oqarpoq.

- Sakkortuumik pisoqartillugu, ajutoortoqartillugu ajunaartoqartillugu portørit tassaasaramik siullerpaajullutik orniguttartut. Taamaattumik akisussaaffeqarput angisoorujussuarmik, taamaammat aamma pikkorissaasarnerit kisiisa isumalluutigiunnaarlugit ilinniartitsinivimmik ilinniartilluarneqarnissaat tunuliaqutaqarnissaat sulissutigivara. Aamma taamaammat aningaasanut inatsisissamut siunnersuutip suliarinerani taakkua ilanngullugit aamma siunnersuutigivarput pikkorissaannarnagit ilinniartitsinivittut ilusilimmik neqeroorfigineqassasut, Asii Narup oqarpoq.

Taanna aperaarput sooq ilinniartitsinivik pikkorissarnerminngarnit pingaarnerusorineraa.

- Portørit akisussaaffeqarput angisoorujussuarmik aamma akisussaaffik tamanna pitsaasumik naammassineqarsinnaassappat ilinniakkamikkut tunuliaqutarissaartariaqarput. Nunatsinni aamma naalakkersuisuni pingaartipparput aamma ilinniartitaanikkut qaffassaanissaq soorunami aamma peqqinnissaqarfimmi sulisut tassani pineqarmata uanga immikkut una aallukkusussimavara. Aammalu sulisoqarniarnikkut aammalu sulisut ataavartuunissaannik anguniagaqarnitsinni pingaartipparput aamma ilinniarluarsimanissaq, aamma portørit tassani eqqarsaatigivakka uanga, Asii Narup oqarpoq.

Taanna apereqqipparput, ilinniartitsinivik eqquppat taava suna allaanerussutigissaneraa ullumikkornit allaanerusumik ilikkagassaat.

- Taava periarfissaqalissaagut naleqqussakkamik piginnaanngorsassallugit, nunatsinnut tulluarsakkamik tunuliaqutsissallugit portørit aammalu sulineranni akissarsiatigut allatigullu pitsanngorsaanissami taanna aqqutissaasarmat isumaqarpunga pingaaruteqartorujussuusoq ilinniartinneqarnissaat, Peqqissutsimut naalakkersuisoq Asii Chemnitz Narup oqarpoq.

Asii Chemnitz Naruppip taama siunnersuuteqalersaarnera inatsisartunit akuerineqaqqaartussaavoq, piviusunngussappallu 2008-mi aallartissinnaasoq Asii Chemnitz Naruppip neriuutigaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat