Portørit SIK-p Namminersorlutik Oqartussallu isumaqatigiissutaannut pakatsisut

SIK-p Namminersorlutik Oqartussallu isumaqatigiissutit atsiugaat portørit naammaginngilaat.
- Aningaasarsiagut 2010-mili sulilerama taamarsuaq qaffatsiginikuunngillat. Aatsaat immaqa qaffalaaminerput. 2 koruunit. Uatsinnut soorunalimi annikippoq, Hansine Thorin oqarpoq.
decembarip 13-at 2019 05:15

- Immaqa toqqaannartumik oqarsinnaavunga: pakatsivugut. Pakatserrappugut suleqatigiit, portøri Hansine Thorin oqarpoq. Taanna Dronning Ingridip Napparsimmavissuani portørit oqaaseqartartorivaat.

Isumaqatigiissutit siulii siorna apriilimi atorunnaarmata, isumaqatigiissutit nutaat piareeqqasussaagaluarput. Sivisuumilli isumaqatigiinniutigineqartut decembarip ulluisa aappaanni aatsaat atsiorneqarput.

AAMMA ATUARUK Namminersorlutik Oqartussat SIK-lu sivisuumik isumaqatigiinniarnerit kiisami naammassigaat

Isumaqatigiissut nutaaq naapertorlugu Namminersorlutik Oqartussani suliaqarfinni assigiinngitsuni 17-ini sulisut, portørit taakkununnga ilaallutik, akunnermusiaat 2,20 koruuninik ukiut tamaasa qaffanneqartassapput.

Tamannali portørit naammaginngilaat.

- Aningaasarsiagut 2010-mili sulilerama taamarsuaq qaffatsiginikuunngillat. Aatsaat immaqa qaffalaaminerput. 2 koruunit. Uatsinnut soorunalimi annikippoq, Hansine Thorin oqarpoq.

AAMMA ATUARUK Vi håber på aftale i dag eller i morgen

Aamma tapisiassatut isumaqatigiissutit Hansine Thorinip iluarinngilai. Taanna naapertorlugu tapisiasisoqartoqarpallaarneq ajorpoq.

- Taakku immaqa asuli kusassaataaginnarput. Immaqa ajunnginnerusimassagaluarpoq, tamarmik tunngaviusumik akissarsianut ilineqartuugaluarpata.

Taannalu kissaat tapillu allat ikinnerpaamik 58-iusut isumaqatigiinniarnermi iluatsikkuminaassimasut, SIK-p siulittaasua, Jess G. Berthelsen, nassuiaavoq.

- Taakkua tapeerarpassuit aatsaat tulliani aaqqiivigissavagut, ilimagisatsinnik kisitsisinik tapinut ataasiakkaanut pissarsiniarneq ajornarnerusimavoq, taamaattumillu maannakkut siunniussarigaluarput aaqqiivigisinnaasimanngilarput, Jess G. Berthelsen oqarpoq.

AAMMA ATUARUK SIK: Akitsuutinit nutaanit ilaasortavut eqqorneqassapput

Aamma tapisiassatut isumaqatigiissutit Hansine Thorinip iluarinngilai. Taanna naapertorlugu tapisiasisoqartoqarpallaarneq ajorpoq.

- Taakku tassani immaqa asuli kusassaataaginnarput. Immaqa ajunnginnerusimassagaluarpoq, tamarmik tunngaviusumik akissarsianut ilineqartuugaluarpata, Hansine Thorin oqarpoq.