Portørit piumasaqaatinik isumaqatigiissuteqanngitsut
Sulinermilli unitsitsisarnerit suli qaangiutinngitsut Hansine Thorin erseqqissaavoq.
- Sulianik unitsitsigallarnissarput piareersimaffigaarput kisianni oqaatigisinnaanngilara qaqugu pissanersoq, suli ullulinnginnatsigu, Hansine Thorin taama oqarpoq.
Aningaasarsiat pillugit isumaqatigiinniarnerit iluarineqanngeqaat.
AAMMA ATUARUK Portørit pissangarpasillutik ataatsimiigiarput
Naalakkersuisulli isumaqatigiinniarnernut maannamut suli akuliunnianngitsut oqarpoq:
- Oqaatigisinnaanngilara tusagassiuutitigut Naalakkersuisut qanoq iliuuseqalersaarnersut, tassami Namminersorlutik Oqartussat, Kommunet peqatigalugit, pisortat isumaqatiginniartitsisuinik, taakku sinniisoqarlutik isumaqatiginniarmata, taamaattumik Naalakkersuisuniit kisimiilluta uagut aalajangersaasinnaanngilagut, kommunit avaqqullugit,
sinaakkutissat toqqammavigalugit suliat ingerlapput, taamaattumik tassani allannguuteqartoqassappat, kommunit Namminersorlutillu Oqartussat ataatsimoorlutik kisimik aalajangiisinnaapput, Aningaasaqarnermut Naalakkersuisoq Vittus Qujaukitsoq taama oqarpoq.
AAMMA ATUARUK Illoqarfinni arfinilinni portørit sulinerminnik unitsitsigallarniartut
SIK-ip siulittaasuata Jess G. Berthelsenip KNR-imut nalunaarutigaa, SIK-mi siulersuunerit pingasunngorpat ataatsimiissasut, qanorlu iliuuseqartoqassanersoq tassani aalajangiisoqassasoq.
