Hansine Thorin Dronning Ingridiup Napparsimmavissuani portørit sinnerlugit oqaaseqartartuuvoq. Asseq: KNRAssi: KNR

Sulinermik unitsitsigallarneq: Portørit pissangarpasillutik ataatsimiigiarput

Nuummi Dronning Ingridiup Napparsimmavissuani portørit sulinerminnik akunnerni sisamanik unitsitsigallarnerat nal. 12 aallartippoq.

- Qanoq pisoqassanersoq nalugallarparput. Utaqqimaarpugut, oqaaseqartartoq Hansine Thorin, portørit nal. 12-imit 16-iut ataatsimiiffissaannut iseriartorluni taama oqarpoq.

Portørit akissarsiat pillugit sulisitsisuminnut Namminersorlutik Oqartussanut suli isumaqatigiissuteqartoqannginnera naammagiunnaaqqavaat.

KNR-p ilanngutassiortua, Mathies Hvid Toft, napparsimmavissuup saani nikorfavoq, taannalu oqaluttuarpoq pissangasoqarpasittoq.

- Ataatsimiinnissap ilungersunartuunissaa malugineqarsinnallurpoq, taama oqarpoq.

AAMMA ATUARUK Portører i seks byer deltager i arbejdsnedlæggelse  

- Pingaarnertut oqaluuserineqartussaq tassaavoq portørit akissarsiaminnut tunngatillugu sunik piumasaqaateqarniarnersut. Arlallit oqaatigaat akileraarutit ilanngaatiginagit 19.000 koruunit missaannik akissarsiaqarlutik. Taamaammat ilaat portøritut sulinermik saniatigut taxaertitsisuusariarput akissaqarumallutik, Mathies Hvid Toft taama oqaluttuarpoq.

Sulinermik unitsitsigallarneq ataasinngorpat nanginneqassanersoq portørit aamma isumaqatigiissutigissavaat.

Napparsimmavissuarmi portørinit 24-usunit 20-t missaanniittut ullumi ataatsimeeqataapput.

AAMMA ATUARUK Sundhedsledelse gør beredskab klar

Illoqarfinni allani arfinilinni portørit nal. 12-imit 16-imut sulinermik unitsitsigallarneq aamma peqataaffigaat. Tassalu Uummannami, Ilulissami, Sisimiuni, Maniitsumi, Narsami Qaqortumilu.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat