Naalagaaffiit Peqatigiit New Yorkimi ataatsimiittarfissuanni nunatsinneersoq Upaluk Poppel nunat inuiisa issittumilu inuusuttut amerlaqisut imminortarnerat pillugu saqqummiussivoq, akiuiniarnermilu qanimut suleqatigiinnissamik kaammattuuteqarluni. Upaluk Poppel ima oqarpoq:
- Issittumi inuusuttut imminortartut amerlavallaartutut nalilerlugit saqqummiussivunga, Naalagaaffiillu Peqatigiit ilinniartitaanermut kulturimullu suliniaqatigiiffianit UNESCO-mit suliarineqarnissaa siunnersuutigalugu. Upaluk Poppel nassuiaavoq.
Upaluk Poppel isumaqarpoq, imminortarneq kulturilu sammineqarnerusariaqartut.
- Nunat inuiisa suleqatigiillutik oqaluuserisariaqarpaat, imminortarneq qanoq akiorneqassanersoq. Upaluk Poppel erseqqissaavoq.
Upaluk Poppel ICC-p inuusuttunut suliniaqatigiiffia ICYC sinnerlugu oqalugiaateqarpoq.