Pop-ip kunngiata toquneranit ukioq ataasinngorpoq

Siorna - taamaalinerani - nunarsuaq soorluli tamarmi nipaaruttoq, inuppassuillu aliasunnerisa kingorna qulliit nakkaallutik.
juunip 25-at 2010 08:55

Ullumi ukioq ataaseq qaangiuppoq Michael Jackson pop-imik nipilersornerup kunngia toqummat.

Amerikamiup tusaamasarsuup uumanissaa nuannarinnittaanit kissaatigineqarunaraluaqisoq, Michael Jacksonip ilaqutaaasa tusaamasarsuup toqunera aningaasarsiutigilersimavaat pitsassuaq.

Amerikami atuagassiaq Billboard allappoq, Jackson toqoreernermi kingirna 6 milliardinit ikinnerunngitsunik isertitaqarsimasoq.

Aningaasanik isertitsissutaanerpaat tassaasimapput cd-t 30 millionit, tunisat taama amerlatigisut eqqumiitsuliortup kialluunniit ukiumi ataatsimi angusimanngisaannarlugit.

Tamatumunnga peqatigitillugu filmi piviusunik tunngavilik 'This Is It' Jacksonip nipilersornermut uteqqinngikkallarneranik malittarinnittoq aatsaat taama isertitsissutaatigaaq, tassami billettit 1 milliard kr.-init amerlanerusunik nalillit tunineqarsimammata.