Poortukkat allakkallu juullertinnagu anngutissapput
Tele-post tusagassiuutitigut nalunaaruteqarluni allappoq, allakkat poortukkallu juullertinnagu apuuffissaminnut anngukkumaartut. Poortukkat allakkallu Danmarkimit Damarkimullu taamatullu Kalaallit Nunaata iluani nassiussat tamarmik juullertinnagu appuuffissaminnut anngukkumaartut nalunaarutigineqarpoq.
Allattoq Jaaku Lyberth
Juullip qaammataani allakkat poortukkallu katillugit 80 tonsinik oqimaassusillit nassiunneqarsimapput. Ilanngullugulu erseqqissarneqarpoq, nassitsinissamut piffissaq eqqorlugu nassiussisimagaanni allakkat poortukkallu juullertinnagu tigusisussaminnut anngukkumaartut.
Tassalu radioaviisi nutaarsiassaatigut KNR.GL-ikkut atuarneqarlutillu tusarnaarneqarsinnaapput, aqagu ualikkut pingasunut radioaviiseqaqqissaaq unnussiorluarisi.