Poortukkat allakkallu 900 kiilut kinguaattoortut
Poortukkat ilarpassui sapaatip akunneri pingasut sinnerlugit matuma siornali Qaanaamut Pituffimmullu nassiussaagluarput.
Poortukkanut apuutinngitsuulersunut ilaapput seqinermut illersuutit isarussat aqagu Qaanaami seqineq pulappat atorneqartussaagaluit.
Tele Post nalunaarpoq naatsorsuutigisimagaluaritsik poortukkat ippassaq Air Greenlandimi anngunneqarsimassagut. Tamaattoqarsimanngilarli sila pissutaalluni.
Air Greenland nalunaarpoq sapinngisartik tamaat arfininngorpat aggustip aappaani Qaanaamut timmisartoqaqqilerpat poortukkat timmisartumi inissarsiuukkaluassallugit.
Tele Post aamma nalunaarpoq Air Greenlandip Qaanaamut kiffartuussinerlunnera qattulluinnarini.
- Air Greenland ilisimatipparput poortukkat Qaanamut ingerlaqqittussat Upernavimmi uninngaannartut amerliartuinnarnerat iluarinngilluinnarlutigu, Tele Post nalunaarpoq.