Poortukkanik nassartinneqarnissamut politiit mianersoqqusipput

Aasaavoq, taamaammat inuppassuit nunanut allanut angalapput. Aamma efterskolimi naammassisut angerlakaaleruttorput. 

Taamaammat nunatsinnut angerlalersut poortukkanik sunik imaqarnerannit nalusaminnik nassaqquneqassagunik mianersussasut Kalaallit Nunaanni Politiit oqaatigaat. 

- Inuit poortukkanik nassaqquneqassagunik ilisimassavaat akuersitinnatik poortukkat sunik imaqareri apeqqutigisarsinnaagamikkit takujumallugillu, Nuummi politiini politikommissæri Gideon Quist KNR-imut oqarpoq.

Taamaaliunngikkaannimi unioqqutitsilluni hashimik eqqussisutut pisuutitaasoqarsinnaavoq. Tamannalu kingunerlussinnaavoq.

Pineqaatissinneqarneq akiligassitsinnerlu

Poortugaq hashimik 100 grammit angullugit imalik eqquteriaraanni 10.000 koruunit angullugit akiligassitsittoqarsinnaavoq, soorunalimi aamma hashi arsaarinnissutigineqassalluni. 

Ima kingunerlutsigisinnaavoqrtaaq allaat politiit isumqaqarunik tuniniaanissamik siunertalimmik eqqusseriartoqartoq, taava eqqusseriartoq pinqaatissinneqarsimasunut inissiisarfimmiinnissaanik piumasaqaateqartoqarsinnaalluni. 

Qanorluunniilli pisoqaraluarpat eqqusseriartut pillagaasimasutut allagartaqalersinnaapput. Tamannalu ulluinnarni inuuniarnermut eqquinerlussinnaavoq. 

- Pisortat suliffeqarfii aammalumi namminersortut pinerlussimannginermik uppernarsaammik takorusuttarput. Pinerlussimanermulli allagartaqaraanni sulilerniarneq ajornarsinnaasarluni, Gedio Quist nassuiaavoq. 

Inuit nunani allani angalreerlutik Nunatsinnut utilernerminni grammi ataaseq qulilluunniit eqqullugit ajornavianngitsoq eqqarsarsinnaasarput. Tamannali aamma akisunaarneqarsinnaavoq.

Tassami 1-100 grammit akornanni eqqusseriartoqartillugu akiligassaq 10.000 koruunit angusinnaasarpai, siornatigut assingusumik pineqaatissinneqarsimaneq apeqqutaalluni pineqaatissinneqarneq sakkortunerusinnaalluni. 

AAMMA ATUARUK Ilulissani hashimik tuniniaanermi arlallit pasineqartut

AAMMA ATUARUK Haship akiorniarneqarnera annertusaqqikkusukkaa

AAMMA ATUARUK Ilulissani innuttaasut hashi akiorniarusuppaat