Poortugaq qaartartumik imaqarsorineqartoq rødviinnimik imaqarpoq
Allakkat akornanni poortukkamik pasinarsinnaasumik nassaartoqareersorlu, Danmarkip aallartitaqarfiani atorfillit qimarngussuunneqarput.
Kisianni nalunaaquttap akunneri marluk qaangiuttullu mianersoqqusineq taamaatinneqartoq, Danmarkip Ruumami aallartitaa Claus A. Holm ilisimatitsivoq.
- Ruumami nunani allamiut aallartitaqarfiini piffissami kingullermi nassiussanik qaartartunik imalinnik naammattoorsisoqartareersorlu, sulisut soorunami malussarniartorujussuupput, taamaattumik poortugaq aallartitaqarfimmi allakkanik qinnguartaasarfimmut tunniunneqarmat nuannaarutigiinnarnparput. Tamanna misissugassanik takunngitsuugaqarnermit pitsaaneruvoq, Claus A. Holm oqarpoq.
Danmarkip, Venezuelap aamma Mexicop Ruumami aallartitaqarfiini poortukkat qaartartumik imaqarsorineqartut, qaartartumik imaqanngillat, taamaattorli Griikerit aallartitaqarfianni iluatsitsinerunngillat, poortugarmi tassunga nassiunneqatoq qaartartumik imaqarmat.
Suleqatigiit inatsisaatsuuniat Federazione Anarchia Formale qaartartunut nassiussanut akisussaallutik nalunaarutigereerpaat. Suleqatigiit Grækenlandimi inatsisaatsuunianut allanut suleqateqartuunissaat oqartussanit ilimagineqarpoq.
